Алматыда болған жаппай жол-көлік оқиғасынан (ЖКО) үш адам зардап шекті, деп хабарлайды Malim.kz.
«Бұл жол апаты бүгін сағат 00:25 шамасында Алматының Жетісу ауданында орын алды. Haval маркалы көлік Рысқұлов даңғылы бойымен шығыс бағытта келе жатып, Сейфуллин даңғылынан шығысқа қарай рөлге ие бола алмай, қатар келе жатқан Chery маркалы көлікпен соқтығысқан. Одан кейін инерциямен Haval қарсы жолаққа шығып кетіп, батыс бағытта келе жатқан тағы екі көлікпен – Audi және Hongqi маркалы автокөліктермен соқтығысқан. Нәтижесінде Haval жүргізушісі ауыр жағдайда жақын маңдағы ауруханаға жеткізілді, ал тағы екі адам – Audi жүргізушісі мен Hongqi жолаушысы облыстық ауруханаға жеткізілді», – делінген полиция департаменті хабарламасында.
Жол-көлік оқиғасының мән-жайын Жетісу ауданының полиция басқармасы анықтап жатыр.