Алматы қаласында полицейлер жеке үйлердің бірінің маңынан атыс қаруы жасырылған қойманы анықтады, деп хабарлайды Malim.kz.
Тексеру барысында табылған екі қос ұңғылы мылтықтың 2022 жылғы Қаңтар оқиғасы кезінде қару-жарақ дүкенінен ұрланғаны белгілі болды.
Қару-жарақ жасырылған орын полицияның «Қару» жедел-профилактикалық іс-шарасы аясында әшкереленді. Схроннан табылған екі аңшылық мылтық тәркіленіп, баллистикалық сараптамаға жіберілді.
Аталған дерек бойынша қылмыстық іс қозғалды.
Полицияның мәліметінше, заңсыз айналымдағы, соның ішінде 2022 жылғы Қаңтар оқиғасы кезінде ұрланған қаруды іздеу жұмыстары тұрақты түрде жүргізіліп келеді.