Устинка LIVE басылымы осы сұрақ бойынша «ҚазАвтоЖол» ҰК» АҚ түсіндірмесін жариялаған.
Ақылы жолдарда тегін жүру Қазақстан Республикасының 2001 жылдың 17 шілде күнгі №245-II "Автомобиль жолдары туралы" заңымен реттеледі. Ол заң бойынша, көліктердің бірнеше санатына ақылы жолдарда тегін жүруіне болады. Заңда ондай көліктердің санаты келтірілген, олар - мыналар:
1. Ақылы автомобиль жолдарын (учаскелерін) пайдаланғаны үшін ақы төлеуден: 1) қызметтік міндеттерін орындаған кезде:
- - жедел медициналық жәрдем ұйымдарының;
- - авариялық-құтқару қызметтерінің; құқық қорғау органдарының;
- - көліктік бақылау органдарының;
- - арнаулы мемлекеттік органдардың;
- - Қазақстан Республикасы Қарулы Күштерінің, басқа да әскерлер мен әскери құралымдардың;
- - жалпыға ортақ пайдаланылатын халықаралық және республикалық маңызы бар ақылы автомобиль жолдарын (учаскелерін) күтіп-ұстауды және оларға техникалық қызмет көрсетуді тікелей жүзеге асыратын Ұлттық оператордың;
- - Қазақстан Республикасының заңнамасына сәйкес айқындалған, тиісті ақылы автомобиль жолында (учаскесінде) күтіп-ұстауды және техникалық қызмет көрсетуді тікелей жүзеге асыратын жекеше әріптестің;
- - жануарлар дүниесін қорғау, өсімін молайту және пайдалану саласындағы уәкілетті органның арнаулы автокөлік құралдары;
2) қала маңындағы қатынастарда және ақылы автомобиль жолына (жол учаскесіне) іргелес елді мекендерді:
- - кенттерді, ауылдарды аудан немесе облыс орталықтарымен, астанамен немесе республикалық маңызы бар қалалармен қосатын қатынастарда жолаушылар мен багажды тұрақты тасымалдауды жүзеге асыратын автобустар;
- - ақылы автомобиль жолына іргелес аудандардың аталған әкімшілік-аумақтық бірлік аумағында белгіленген тәртіппен тіркелген автобустары бір аудан шегінде жүріп-тұру үшін;
- - жүк автокөлік құралдары, өздігінен жүретін доңғалақты ауылшаруашылық, мелиорациялық машиналар таяу көлікке арналған айрықтары арасындағы жол кесінділері шегінде су тосқауылдары мен темір жолдарды кесіп өту үшін;
- - ақылы автомобиль жолына іргелес аудандардың жеке және заңды тұлғаларының аталған әкімшілік-аумақтық бірлік аумағында белгіленген тәртіппен тіркелген жеңіл автомобильдері бір аудан шегінде жүріп-тұру үшін;
3) Ұлы Отан соғысы ардагерлерінің жеңіл автомобильдері босатылады.
Тегін жүруді қалай рәсімдеуге болады? Ақысыз жүру құқын алу үшін аталған санаттарға жататын көліктің өкілдері «ҚазАвтоЖол» ҰК» АҚ-ына ресми сұрау салуы керек. Сұрауға қосымша ретінде көліктің мемлекеттік тіркеу нөмірі, рейстік автобустар болса - маршрут парағын қыстыру қажет" деп түсіндірген жауапты мекемеде.
Бүгінде елімізде жалпы ұзындығы 4 760 шақырым болатын 25 ақылы бекет бар.
Фото: QAJ.KZ