Синоптиктер 4-6 шілде аралығына арналған Астана, Алматы және Шымкент қалаларының ауа райы болжамын жариялады, деп хабарлайды Malim.kz.
Астанада алдағы үш күнде ауа райы құбылмалы болады.
Кей уақыттарда жаңбыр жауып, найзағай ойнайды. 4-6 шілде күндері күндіз бұршақ жауып, екпінді жел соғуы мүмкін. Ауа температурасы түнде +15…+17°C, күндіз +25…+30°C аралығында болады.
Алматыда 4 шілдеде күндіз, 5 шілдеге қараған түні өткінші жаңбыр мен найзағай күтіледі. 6 шілдеде жауын-шашынсыз ауа райы болжанып отыр. Ауа температурасы түнде +16…+20°C, күндіз +24…+32°C дейін көтеріледі.
Шымкентте 4 шілдеде өткінші жаңбыр жауып, найзағай ойнайды. Ал 5 және 6 шілдеде жауын-шашынсыз ауа райы сақталады. Күндіз ауа температурасы біртіндеп жоғарылап, +34…+36°C дейін жетеді.