Астана қаласының әкімшілік құқық бұзушылықтар жөніндегі мамандандырылған ауданаралық соты ұсақ бұзақылық жасаған азамат А.-ға әкімшілік қамақ тағайындады, деп хабарлайды Malim.kz.
Сотта анықталғандай, азамат такси қызметін пайдаланып, сапар аяқталғаннан кейін жүргізушіге балағат сөздер айтып, көліктен шығудан бас тартқан және оған қоқан-лоқы көрсеткен. Оқиға әлеуметтік желіде жарияланған бейнежазбадан кейін полицияда тіркелген.
Сот отырысында азамат өз кінәсін толық мойындады.
Сот оны ҚР ӘҚБтК-нің 434-бабының 1-бөлігі бойынша кінәлі деп танып, 10 тәулікке әкімшілік қамаққа алу жазасын тағайындады.
Сот қаулысы заңды күшіне енген жоқ.