Қазақстанда атауында ру-тайпа аттары бар не қызметінде «рулық-тайпалық құрылыстарға қатыстылығы көрсетілетін» коммерциялық ұйымдардың жұмысына шектеу қоятын ережелер әзірленіп жатыр, деп хабарлайды Malim.kz Azattyq.org басылымына сілтеп.
Бұл жөнінде мәжіліс депутаттарының сауалына жауап берген премьер-министр Олжас Бектенов айтты. Заңға енгізілетін түзетулер қазір мемлекеттік органдарда қаралып жатыр дейді үкімет басшысы.
«Атап айтқанда, атауы немесе қызметі рулық-тайпалық құрылымдарға қатыстылығын көрсететін немесе заңнамаға қайшы келетін коммерциялық емес ұйымдарды құруға тыйым салу; республикалық мәртебесін растау талаптарын күшейту; бірлестіктерді жабуға негіз болатын нақты себептерді белгілеу қарастырылған», – делінген Бектенов жауабында.