Бүгін Астанада жаңа Конституция жобасына байланысты «Референдум–2026» онлайн-марафоны өтіп жатыр, деп хабарлайды Malim.kz.
Жиында Мәжіліс депутаты Нұрсұлтан Байтілесов сөз сөйледі.
«Бұл жерде басты назар аударатын нәрсе, дін мемлекеттік құрылымнан бөлек. Бұл нақтылаудың басты себептерінің бірі - 1995 жылы жазылған Конституцияда, ол кездегі діни ұйымдардың, ағымдардың, ақпараттық мүмкіндіктерін бүгін күнмен салыстыруға болмайды. Әр адамның сенімі - ұлттың, елдің не кез-келген азаматтың денсаулығына қауіп төндірген жағдайда шектелуі тиіс. Яғни, бір азаматтың қалауы екінші азаматтың құқығын шектей алмайды», - деді Мәжіліс депутаты Нұрсұлтан Байтілесов.
Шара аясында Конституциялық комиссия мүшелері, заңгерлер, сарапшылар және азаматтық белсенділер пікір алмасу алаңында бас қосады. Конституциялық өзгерістердің әр азаматтың өміріне әсері туралы айтылады.