Қазақстанның халық әртісі Димаш Құдайберген Кеншілер күні қарсаңында Қарағандыдағы Костенко атындағы шахтаға барды, деп хабарлайды Malim.kz, bairaq_media-ға сілтеме жасап.
Әнші Qarmet компаниясына қарасты шахтаға түсіп, жер астындағы 700 метр тереңдіктегі жұмыспен танысты. Димаш кеншілердің еңбек жағдайын өз көзімен көріп, заманауи қауіпсіздік және позициялау жүйелерінің жұмысын тамашалады.
Сондай-ақ өнер иесі кеншілермен жүздесіп, оларды кәсіби мерекесі - Кеншілер күнімен құттықтады.
Димаш Құдайберген кеншілердің еңбегін ерекше атап өтіп, оларға зор денсаулық, отбасылық амандық және әр ауысымның қауіпсіз өтуін тіледі.