Теннистен Қазақстан командасының көшбасшысы Елена Рыбакина «Уимблдон» турнирінің жартылай финалына шықты, деп хабарлайды Malim.kz.
Ширек финалда Рыбакина украиналық Элина Свитолинаны сенімді түрде жеңді.
Рыбакина екі сет қорытындысы бойынша 6:3, 6:2 есебімен жеңіске жетті.
Финал жолдамасына таласта Елена чехиялық Барбора Крейчиковамен кездеседі. Чех қызы әзірге WTA рейтингінде 32-орында тұр. Ол ширек финалда латвиялық Елена Остапенкодан басым түсті - 6:4, 7:6(4).
Айта кетелік, 2022 жылы Елена Рыбакина «Уимблдон» турнирінде топ жарған болатын.