Өткен тәулікте ел аумағында қар құрсауынан 400-ден астам адам құтқарылып, эвакуацияланды, деп хабарлайды Malim.kz.
ТЖМ мәліметінше, өткен тәулікте ауа-райының нашарлауына, боранға, көктайғаққа, қатты желге және нөлдік көрінуге байланысты Қазақстанның автожолдарында ТЖМ 416 адам, оның ішінде 12 бала құтқарылып, эвакуацияланған. Сондай-ақ, 42-ден астам көлік қар құрсауынан шығарылған.
11 өңірдің аумағында қалыптасқан күрделі метеорологиялық жағдайдың нәтижесінде республикалық маңызы бар автожолдардың 38 учаскесінде және облыстық маңызы бар 31 учаскеде қозғалысқа шектеу енгізілген.
Фото: ТЖМ