Euronews қазақ тілінде халықаралық ақпарат тарата бастайды, деп хабарлайды Tizgin.kz-ке сілтеме жасаған Malim.kz.
ОКҚ-дағы баспасөз мәслихатында Euronews директорлар кеңесінің төрағасы Педро Варгас Давид “біз қазақ тілін халықаралық тіл деп білеміз” деді. Оның айтуынша, 140 елге көрсетілетін телеарна енді қазақ тілінде де ақпарат таратады.
Euronews – 1993 жылы Францияның Лион қаласында құрылған халықаралық жаңалықтар арнасы. Бүгінде ол саясат, экономика, қоғам, ғылым, мәдениет және спорт салаларындағы әлемдік жаңалықтарды бірнеше тілде таратып, Еуропадағы ең танымал халықаралық медиалардың біріне айналған.
Арна ондаған елде эфирге шығып, цифрлық платформалар арқылы миллиондаған аудиторияға ақпарат ұсынады. Енді Euronews контенті қазақ тілінде де қолжетімді болмақ.