Еурокомиссия ұсынған санкциялардың жаңа пакетіне Ресей мұнайын теңіз арқылы тасымалдауға толық қызмет көрсетуге тыйым салу енгізіледі, деп хабарлайды Malim.kz.
«Теңіз тасымалы — жаһандық бизнес болғандықтан, біз бұл толық тыйымды G7 шешімінен кейін пікірлес серіктестермен үйлестіре отырып іске асыруды ұсынамыз», — делінген баспасөз хабарламасында.
Санкциялардың 20-пакетіне тағы не кіреді:
«Көлеңкелі флоттың» 43 кемесі санкциялық тізімге қосылады;
Ресейдің 20 аймақтық банкіне санкция салынады;
криптовалюталар мен олармен сауда жасалатын платформаларға қарсы шаралар;
Ресейден импорттауға және елге экспорттауға тыйым салынатын тауарлар тізімін кеңейту;
санкцияларды айналып өтудің алдын алу үшін Ресейге қайта экспорттау қаупі жоғары елдерге компьютерлік техника мен радиоаппаратура экспорттауға тыйым салу;
құқық иелерін Ресейдегі «әділетсіз экспроприациядан» қорғау мақсатында құқықтық кепілдіктерді күшейту.
Еурокомиссия төрағасы Урсула фон дер Ляйен Еуроодақты жаңа санкциялар пакетін Ресейдің ауқымды басып кіруінің жылдығына — 24 ақпанға дейін қабылдауға шақырды.
Санкциялардың 19-пакеті 2025 жылғы 23 қазанда қабылданған.