Еуропалық Одақтың сыртқы істер және қауіпсіздік саясаты жөніндегі жоғарғы өкілі Кая Каллас Венесуэланың егемендігін құрметтеуге шақырып, АҚШ тарапынан Николас Мадуроға қатысты әрекеттерден кейін елде демократияға бейбіт жолмен көшу процесін қолдайтынын мәлімдеді. Бұл туралы жексенбі күні кешке, 4 қаңтарда жарияланған Еуропалық Одақтың ресми ұстанымы болып табылатын оның мәлімдемесінде айтылған.
Мәлімдемеде Еуроодақтың көзқарасы бойынша, «Николас Мадуро демократиялық жолмен сайланған президенттің заңды легитимдігіне ие емес» екені көрсетілген. Сонымен қатар ЕО Венесуэлада демократияға бейбіт түрде көшу процесін қолдайды, ол «елдің егемендігін құрметтей отырып, венесуэлалықтардың өздері арқылы жүзеге асырылуы тиіс». ЕО дипломатиясының басшысы атап өткендей, венесуэлалық халықтың ерік-жігерін құрметтеу – қазіргі дағдарысты шешудің жалғыз жолы.
Каллас «қандай жағдай болмасын, халықаралық құқық қағидаттары сақталуы тиіс» екенін атап өтіп, БҰҰ Қауіпсіздік Кеңесінің тұрақты мүшесі ретінде АҚШ-тың осы қағидаттарды сақтау жөніндегі ерекше жауапкершілігін көрсетті.
Мәлімдеме мәтініне сәйкес, Еуропалық Одақ трансұлттық ұйымдасқан қылмыс пен есірткінің заңсыз айналымына қарсы күресті қажет деп санайды, алайда бұл тек «аумақтық тұтастық пен егемендік қағидаттары толық сақталған жағдайда ғана» жүзеге асырылуға тиіс.