Халықаралық World Business Outlook іскерлік журналы Halyk банкін Award Winners 2026 жыл сайынғы сыйлығының бірден екі номинациясы — Best Bank in Kazakhstan (Қазақстандағы үздік банк) және Best SME Bank in Kazakhstan (Қазақстандағы ШОБ-қа арналған үздік банк) бойынша жеңімпаз деп атады.
Басылым сарапшыларының пікірінше, бұл марапат банктің елдің қаржы нарығындағы тұрақты көшбасшылығын және оның Қазақстан экономикасының жүйе құраушы институты ретіндегі рөлін көрсетеді.
2025 жыл Halyk үшін сенімді өсу жылы болды: таза пайда 1 триллион теңгеден асты. Банк несие портфелін, депозиттік базасын және цифрлық көрсеткіштерін арттыруды сенімді түрде жалғастыруда, сонымен бірге саладағы операциялық шығындардың төмен деңгейін сақтап отыр. Halyk-тың Қазақстанның коммерциялық банктері арасындағы экономиканың нақты секторын несиелеудегі үлесі 47%-дан асады, ал банктің төлем инфрақұрылымы көлемі жағынан елдің бүкіл ЖІӨ-мен салыстыруға болатын транзакцияларды өңдейді.
Best SME Bank номинациясындағы жеңіс те заңды: Halyk шағын және орта бизнеске арналған цифрлық құралдарды — онлайн-несиелеуден бастап цифрлық сервистерге дейін жүйелі түрде дамытып, кәсіпкерлерге арналған елдегі ең ірі банк мәртебесіне жетті. Halyk үшін бұл марапат — қазақстандық банктің әлемдегі ең үздік қаржы институттарының деңгейін нық ұстап отырғанының кезекті халықаралық растауы.
World Business Outlook туралы
World Business Outlook — қаржы индустриясын, халықаралық бизнесті және жаһандық экономиканы қамтитын халықаралық іскерлік журнал. Сыйлықтың әр жылдардағы лауреаттарының арасында Al Rajhi Bank, Banco do Brasil, Malaysia Airlines, Hong Kong International Airport және басқа да өз салаларының жаһандық көшбасшылары бар.
Halyk туралы
Halyk — жиынтық активтері 20 трлн теңгеден асатын Қазақстандағы ең ірі банк. Банктің бүкіл ел бойынша 540-тан астам бөлімшелер желісі және цифрлық арналар арқылы қызмет көрсетілетін ең ірі клиенттік базаларының бірі бар. Сонымен қатар, Halyk Грузия мен Өзбекстанда жұмыс істейді. Halyk шетелдік қатысуы жоқ коммерциялық банктер арасында ең жоғары несиелік рейтингтерге ие (инвестициялық көрсеткіші: Moody's – Baa1 / Fitch – BBB- / S&P – BBB-).