АҚШ-тың Стоктон қаласында отбасылық шара кезінде атыс болып, төрт адам қаза тапты, тағы он адам жараланды, деп хабарлайды Malim.kz. Associated Press-ке сілтеме жасап.
Сан-Хоакин округі шерифі кеңсесінің ресми өкілі Хизер Бренттің айтуынша, жарақат алғандардың арасында балалар да, ересектер де бар. Алғашқы деректерге қарағанда, бұл мақсатты шабуыл болуы мүмкін.
Билік өкілдері күдікті әлі ұсталған жоқ екенін айтып, жұртшылықтан көмек сұрады. Детективтер оқиғаның себебін анықтап жатыр. Округ прокуроры Рон Фрейтас тұрғындарды күдікті туралы кез келген ақпаратпен бөлісуге шақырып, оған дереу берілуді талап етті.
Атыс жергілікті уақытпен шамамен 18:00-де басқа мекемелермен ортақ автотұрағы бар банкет залында болған. 320 мың халқы бар Стоктон қаласы Сакраментоның оңтүстігінен шамамен 64 шақырым жерде орналасқан.