YE концерті 14 тамыздан 15 тамызға ауыстырылды, деп хабарлайды Malim.kz.
Концерт 15 тамыз сағат 21:00-де Орталық стадионда өтеді. Көрермендерді стадионға кіргізу сағат 16:00-де басталады.
14 тамызға сатып алынған билеттер 15 тамызда да жарамды. Кіру кезінде билеттер сканерленіп, тексеруден кейін көрермендерге бұрын берілген білезіктер жаңартылады.
Ұйымдастырушылар көрермендерге жолды алдын ала жоспарлап, көлік кептелісін ескеріп, стадионға ертерек келуге кеңес береді. Кіру билетте көрсетілген секторға сәйкес жүзеге асырылады.
Концертке қатысты өзекті ақпарат First Media Group және Freedom Афиша арналарында жарияланады.