Новороссийскідегі Каспий құбыр консорциумының (КТК) теңіз терминалы маңында экипажсыз қайықтардың шабуылы салдарынан ВПУ-2 қашықтағы айлақ құрылғысы зақымданды, деп хабарлайды Malim.kz.
Оқиға 29 қараша күні Астана уақытымен сағат 06:06-да болды. Новороссийск теңіз портының капитанының бұйрығымен жүктеу және басқа да операциялар тоқтатылып, танкерлер терминал акваториясынан шығарылды. КҚК қызметкерлері мен мердігерлік ұйымдар арасында зардап шеккендер жоқ.
Жарылыс кезінде ВПУ-ның авариялық қорғаныс жүйелері тиісті құбыржолдардың жабылуын қамтамасыз етті. Алдын ала мәлімет бойынша Қара теңіз акваториясына мұнай төгілген жоқ, - деп хабарлады КҚК баспасөз қызметі.
Қазір мамандар теңіз суынан сынама алып, экологиялық мониторинг жүргізіп жатыр және мұнай төгінділерін оқшаулау жоспары аясында жұмыс жасауда.
ВПУ-2 құрылғысын әрі қарай пайдалану мүмкін болмай отыр. Терминалдағы жүктеу операциялары БЭК және БПЛА қаупі жойылғаннан кейін белгіленген тәртіпке сай жүргізіледі.
КҚК мәліметінше, бұл консорциум нысандарына жасалған үшінші шабуыл. Бұған дейін «Кропоткин» мұнай айдау станциясы да зақымданған болатын.