Алматы облысындағы «Көлсай көлдері» ұлттық паркінің аумағында туристік микроавтобус беткейден сырғып, шамамен 150 метр терең шатқалға құлап кеткен, деп хабарлайды Malim.kz.
Алматы облыстық полиция департаментінің мәліметінше, оқиға 25 сәуір күні Көлсай таулы аймағында болған. Алдын ала дерек бойынша, көлік тұрақ орнынан өздігінен қозғалып, беткеймен төмен қарай сырғып кеткен.
Оқиға салдарынан зардап шеккендер тіркелген жоқ.
Сондай-ақ көлік иесінің полицияға арыз жазудан бас тартқаны, ешкімге қатысты шағымы жоқ екені хабарланды.