Malim.kz
Әлем

Мешітте намаз уақытында жарылыс болды: қаза тапқандар бар

• Сұлу Бөлек

Өзбекстанның Әндіжан облысының Ізбасқан ауданындағы мешіттердің бірінде жарылыс болды. Оқиға салдарынан үш адам қаза тауып, тағы он адам жарақат алды, - деп хабарлайды Malim.kz тілшісі.

Бұл туралы Өзбекстан ТЖМ мәлімдеді. Жарылыс салдарынан дәрет алуға арналған бөлменің қабырғалары мен төбесі опырылған, алайда өрт шықпаған.

Жарылыс салдарынан 3 адам қаза тауып, 10 адам жарақат алған. Жараланғандар ауруханаға жеткізілген.

"Қазір алдын ала тергеу жүргізіліп жатыр", - деп жазылған ведомство хабарламасында.

Әндіжан облыстық әкімшілігі Telegram арнасында мешіттегі жарылыстың салдары туралы видео жариялады. Кадрларда құтқарушылар үйінділерді жинап жатқаны көрінеді.

Фото: Видеодан алынған кадр

Сұлу Бөлек
Автордың басқа материалдары