Молдованың іс басындағы презиендті Мая Санду президент сайлауының екінші кезеңінде жеңіске жетті. Оған сайлаушылардың 54,96% дауыс берген. Ал оның қарсыласы Александр Стояногло 45,04% дауыс жинады. Бұл Орталық сайлау комиссиясының 98,74% хаттамаларды өңдеуден кейінгі дауыс берудің алдын ала қорытындысы.
Енді шет мемлекеттердегі сайлау учаскелеріндегі дауыстарды санау ғана қалды.
Молдаваның өзінде хаттамалар 100% өңделді. Орталық сайлау комиссиясының хаттамаларына сәйкес, ел ішінде халықтың көпшілігі Стояноглоға дауыс берген. Осылайша ол 51,19% дауыс жинаған. Ал Сандуды елдің 48,81% қолдады.
Осыған дейін Молдованың Орталық сайлау комиссиясы референдумның соңғы қорытындысын бекіткені туралы жаздық.
Фото: ТАСС