АҚШ-тың Нью-Йорк қаласындағы Эмпайр Стейт ғимаратының шатырына заңсыз көтерілген ресейлік жұпқа бірнеше бап бойынша қылмыстық айып тағылды, деп хабарлайды Malim.kz.
Манхэттен прокуратурасының мәліметінше, 33 жастағы Анжелина Николау мен 32 жастағы Иван Кузнецов қоғамдық қауіпсіздік талаптарын бұзу, мүлікке қасақана зиян келтіру және ғимаратқа заңсыз кіру деректері бойынша жауапқа тартылып отыр.
Тергеу дерегіне сәйкес, олар ғимараттың антеннасына көтеріліп, «Махаббат күші билікке деген құштарлықты жеңгенде, әлемде тыныштық орнайды» деген жазуы бар жалаушаны іліп кеткен.
Қазір оқиғаның барлық мән-жайын құқық қорғау органдары анықтап жатыр.