IMAGE: ©dw.com (Wakil Kohsar/AFP/Getty Images)
Егер Ауғанстан Баграм әуе базасын қайтармаса, "жаман бірдеңелер болады" деп мәлімдеді АҚШ президенті Дональд Трамп. Бұл туралы Украинска Правда басылымы хабарлайды.
Басылымның мәліметінше, бұл сөз Британия премьер-министрі Кир Стармермен бірге өткізген баспасөз мәслихаты кезінде айтылған. Президент қазір тәлібтермен Баграм әуе базасын қайтару туралы келіссөздер жүргізіп жатқаны туралы да айтқан.
Трамптың айтуынша, Баграм – Қытайдың ядролық нысандарына жақын орналасқан екен. Ол келтірген мәліметтерге қарағанда, Баграмнан Қытайдың ядролық қару өндіретін жеріне дейін – небәрі 1 сағаттық жол.
Баграм аэродромы – Ауғанстанда Советтер одағы салған аэродром. Кейін, Ауғанстан билігіне тәлібтер келгенше АҚШ пен оның одақтастарының басты әуе тасымалы нүктесі болды. 2021 жылы АҚШ пен одпқтастары Ауғанстанды тастап шыққан еді.