Ажырасу коэффициенті 4.6 тең Қазақстан Мальдив аралдарынан кейін екінші орында тұрғаны туралы ақпарат шындыққа сәйкес келмейді. Бұл жалған деректің негізгі көзі worldpopulationreview.com сайтындағы мақала болған, - делінген хабарламада.
Бюро мәліметіне қарағанда, 2022 жылдың қорытындысы бойынша елімізде ажырасу коэффициенті 1000 адамға шаққанда 2,27 құраған.
2020, 2021 жылдармен салыстырғанда, коэффициенттің төмендеуі байқалады – тиісінше, 2,56 және 2,54.
2023 жылдың қорытынды деректері алдағы сәуір айында жарияланады, - делінген хабарламада.
Бюро мақала авторларына әлемдік ресурста қате берілген деректер бойынша хат жолдағандарын хабарлады.
Сондай-ақ Бюро ресми дереккөздерге сілтеме жасауды және таратылатын деректерді алдын ала тексеріп отыруды ескертеді.
Фото: qazaqstan.tv