«Қазгидромет» мәліметінше, 1 ақпанда Қазақстанның барлық өңірінде ауа райының қолайсыз құбылыстары күтіледі, деп хабарлайды Malim.kz.
Ел аумағында тұман, көктайғақ, кей өңірлерде жауын-шашын, төменгі боран және екпінді жел болжануда.
Оңтүстік, батыс, солтүстік және орталық аймақтарда тұман мен көктайғақ күтілсе, таулы өңірлерде желдің екпіні 15–20 м/с-қа дейін жетуі мүмкін. Жетісу өңіріндегі Алакөл маңында жел екпіні 28 м/с-қа дейін күшейеді.
Павлодар, Өскемен, Риддер және Семей қалаларында қолайсыз метеожағдайларға байланысты ауа ластануының жоғары деңгейі сақталады.
Мамандар жол қозғалысына қатысушыларды және тұрғындарды сақтық шараларын күшейтуге шақырды.