Танымал тележүргізуші Ләйлә Сұлтанқызы кинотеатрдағы кейбір көрермендердің әрекетіне наразылығын білдірді, деп хабарлайды Malim.kz.
Ол әлеуметтік желідегі парақшасында киноға барғанда сақталуы тиіс қарапайым әдеп ережелерін атап өтті. Тележүргізуші орындыққа сағыз жабыстырмауды, залда иісі өткір ыстық тағам жемеуді, жарқылмен видео түсірмеуді, көрсетілімге кешікпеуді және фильм кезінде әңгімелеспеуді сұрады.
"Осылар менің жүйкеме тиеді", - деп жазды Ләйлә Сұлтанқызы.
Жарияланған видеода тележүргізуші кинотеатрдағы орындыққа жабыстырылған сағызға да назар аударған. Ол көрермендерді қоғамдық орында бір-біріне және өнер иелеріне құрметпен қарауға шақырды.