2026 жылы Құрбан айт мерекесі Қазақстанда 27-29 мамыр аралығында өтеді. Бұл туралы Қазақстан мұсылмандары діни басқармасының күнтізбесінде көрсетілген, деп хабарлайды Malim.kz.
Мерекенің алғашқы күні – 27 мамыр – елімізде ресми демалыс күні болып саналады. Биыл Құрбан айт сәрсенбіге сәйкес келеді, сондықтан қазақстандықтар жұмыс аптасының ортасында қосымша демалыс алады.
Бес күндік жұмыс аптасымен еңбек ететіндер үшін демалыс тәртібі мынадай:
25-26 мамыр – жұмыс күндері;
27 мамыр –Құрбан айтқа байланысты демалыс;
28-29 мамыр – жұмыс күндері;
30–31 мамыр – сенбі және жексенбі, стандартты демалыс күндері.
Ал алты күндік жұмыс аптасымен жұмыс істейтін қызметкерлер үшін де 27 мамыр ресми мерекелік демалыс күні болады. Қалған күндері жұмыс қалыпты кесте бойынша жалғасады.
Құрбан айт – ислам дініндегі ең ұлық мерекелердің бірі. Ол Ораза айттан кейін шамамен 70 күн өткен соң атап өтіледі. Бұл күні мұсылмандар айт намазын оқып, құрбан шалады, мұқтаж жандарға көмек көрсетіп, туған-туыстарымен бас қосады.
Мереке күндері Қазақстандағы мешіттерде, әсіресе Астана, Алматы, Түркістан және Шымкент қалаларында келушілер саны артады деп күтіледі.