Қазақстан мұсылмандары діни басқармасы еліміз бойынша айт намазының кестесін жариялады, деп хабарлайды Malim.kz.
«6 маусым – Құрбан айт мейрамының алғашқы күні. Осы күні оқылатын Құрбан айт намазының еліміз бойынша әзірленген кестесін назарларыңызға ұсынамыз. Айт құтты болсын, ағайын!», - деп жазылған хабарламада.
Қазақстан заңы бойынша қасиетті Құрбан айт мейрамының алғашқы күні демалыс беріледі.
Құрбан айттың бірінші күні, яғни 6 маусым жұмаға түсіп тұр. Еңбек және халықты әлеуметтік қорғау министрлігінің мәліметінше, қазақстандықтар үш күн қатарынан демалады.
Аптасына бес күн жұмыс істейтіндер үшін 6, 7, 8 маусым – демалыс күндері.
Аптасына алты күн жұмыс істейтіндер үшін: 6 маусым – демалыс, 7 маусым – жұмыс күні, 8 маусым – демалыс.
Фото: muftyat.kz