Қытайдың оңтүстік-батысындағы Юньнань провинциясында орналасқан Моцьзян хани автономиялық уезі 1-5 мамыр аралығында XX халықаралық «Шаян тропигі» егіздер фестивалін өткізіп жатыр, деп хабарлайды Malim.kz.
Бұл ауқымды мерекеге әлемнің 20-дан астам елдері мен аймақтарынан мыңдаған егіздер жиналды. Фестиваль аясында түрлі мәдени, ойын-сауық және танымдық шаралар ұйымдастырылып, ол әлемнің түкпір-түкпірінен келген туристердің қызығушылығын арттыруда.
Моцьзян уезі әлемге «егіздердің отаны» ретінде кеңінен танымал. Бұл өңір егіздердің көп дүниеге келуімен ерекшеленеді. Сондықтан да мұнда жыл сайын ерекше фестиваль өткізу дәстүрге айналған.
Мереке барысында егіздер шеруі, ұлттық киімдер байқауы, шығармашылық қойылымдар, мәдени көрмелер мен этнографиялық бағдарламалар ұйымдастырылады. Бұл шаралар қатысушылар мен қонақтарға өңірдің бай мәдени мұрасы мен ерекше рухын тереңірек сезінуге мүмкіндік береді, - деді ұйымдастырушылар.
Халықаралық егіздер фестивалі тек мерекелік шара ғана емес, түрлі елдерден келген адамдарды достық пен мәдени байланыс арқылы жақындастыратын маңызды алаңға айналды. Сонымен қатар, бұл фестиваль Моцьзянның туристік әлеуетін арттырып, оның әлемдік деңгейдегі танымалдылығын нығайтып келеді.