Шығыс Қазақстан облысының Зайсан ауданынан санитарлық авиация желісі арқылы шақырту түсіп, жаңа туған егіздерді облыс орталығына шұғыл жеткізу қажет болды, деп хабарлайды Malim.kz.
«Қазавиақұтқару» экипажы – Руслан Агламбеков, Азамат Кабден және Айдар Мамырханов санитарлық авиация дәрігерлері Жұлдыз Абулова мен Татьяна Сергеевамен бірге тікұшақпен әуеге көтеріліп, ана мен сәбилерді Өскемен қаласына аман-есен жеткізді.
ТЖМ мәліметінше, «Қазавиақұтқару» ұшқыштары ең күрделі жағдайда да тікұшақты кәсіби деңгейде басқара алады.