Шымкент қаласының әкімдігі өзіне 688 миллион теңгеге гараж салуды жоспарлап отыр, деп хабарлайды Malim.kz КазТаг-қа сілтеме жасап.
«Тапсырыс беруші – “Шымкент қаласының құрылыс басқармасы” мемлекеттік мекемесі. Жұмыс түрі – тұрғын емес ғимараттар мен нысандарды салу. Қосымша сипаттама – “Шымкент қаласы әкімдігінің қызметтік автокөліктеріне арналған гараж бен әкімшілік ғимарат салу (мекенжайы: Шымкент қаласы, Шаяхметов көшесі)”. Жоспарланған сома – 668 220 620 теңге», – делінген мемлекеттік сатып алу порталында жарияланған лот сипаттамасында.
Байқауға қатысуға өтінімдерді алдын ала қабылдау 8-13 қазан аралығында өтеді.
Еске салайық, бұған дейін Шымкент әкімдігі өзінің қызметін қамтамасыз етуге 5 жылға шамамен 22 миллиард теңге сұрағанын.
Фото: 2гис