Президент Қасым-Жомарт Тоқаев марқұм Александр Машкевичтің отбасына көңіл айтты, - деп хабарлайды Malim.kz тілшісі.
Бұл туралы Мемлекет басшысының кеңесшісі әрі баспасөз хатшысы Руслан Желдібай хабарлады.
"Президент Қасым-Жомарт Тоқаев белгілі кәсіпкер, қоғам қайраткері Александр Машкевичтің қайтыс болуына байланысты марқұмның жақын-жуықтарына көңіл айту жеделхатын жолдады. Мемлекет басшысы жеделхатта оның Қазақстан өнеркәсібін дамытуға сіңірген еңбегін атап өтті", - делінген хабарламада.
Еске салайық, бүгін Eurasian Resources Group (ERG) мен Еуразиялық қаржы компаниясының тең иесі Александр Машкевичтің 71 жасында қайтыс болғаны белгілі болды.
Фото: erg.kz