АҚШ президенті Дональд Трамп Венесуэланың уақытша президенті Делси Родригеспен «тарихи» келісім жасалғанын жариялады, деп хабарлайды Malim.kz BBC-ге сілтеме жасап.
Келісім АҚШ-тың Венесуэладағы 65 миллиард баррельден астам мұнай қорына бақылау орнатуын көздейді.
Келісім шарттарына сәйкес, АҚШ үкіметі жеке оператор компаниямен бірлескен кәсіпорын арқылы 55 пайыздық бақылауды сақтап, сондай-ақ мұнайды өзіндік құны бойынша өндіру құқығына ие болады.
АҚШ Мемлекеттік хатшысы Марко Рубионың мәлімдеуінше, келісім Венесуэла экономикасына 100 миллиард доллар көлемінде жеке инвестиция тартуға және мыңдаған жұмыс орнын ашуға мүмкіндік береді. Бұл ретте америкалық салық төлеушілерден қосымша қаржы талап етілмейді.
Дональд Трамптың айтуынша, АҚШ Венесуэланың дәлелденген мұнай қорының 65 миллиард баррелінен астамына бақылау орнату жөнінде келісімге келген.
«Бұл тарихи келісім АҚШ-тың мұнай қорын ЕКІ ЕСЕДЕН АСТАМ арттырып, мұнай жеткізілімдерін айтарлықтай ұлғайтады және барлық америкалықтар үшін бензин бағасын едәуір төмендетеді», – деп жазды Трамп өзінің Truth Social әлеуметтік желісіндегі парақшасында.