АҚШ президенті Дональд Трамп Израильдің өткен аптада Дохадағы ХАМАС көшбасшыларына шабуылынан соң Қатар аумағына шабуыл жасамайтынын мәлімдеді.
Арменпресс-тің хабарлауынша, Трамп бұл туралы Ақ үйде журналистермен болған әңгіме барысында айтқан. Кездесудің бейнежазбасын Forbes Breaking News жариялаған.
- Олар енді Қатарға шабуыл жасамайды, - деп жауап берді Трамп Израильдің Қатардағы нысандарға тағы шабуылдауы мүмкін бе, деген сауалға жауап бере отырып.
Трамп Қатардың АҚШ серіктесі екенін еске салды.
Айта кетейік, 9 қыркүйек күні Израиль ХАМАС көшбасшыларын нысанға алып, Дохаға соққы жасады. Нәижесінде палестиналық қозғалыстың 5 мүшесі және Қатар-дың қауіпсіздік қызметінің 1 қызметкері қаза болды.
Фото: armenpress