АҚШ президенті Дональд Трамп Еуропа мен Азияның бірқатар елдерін Ормуз аймағына әскери кемелер жіберіп, теңіз қатынасын қорғауға шақырды, деп хабарлайды Malim.kz. DW-ге сілтеме жасап.
Оның айтуынша, Иран тарапынан соққы қаупіне байланысты бұғаз іс жүзінде жабылып қалған.
Трамп 14 наурызда өзінің әлеуметтік желісінде Қытай, Франция, Жапония, Оңтүстік Корея, Ұлыбритания және басқа да мемлекеттерді осы аймаққа кемелер жіберуге үндеді. Оның пікірінше, бұл елдер де Ормуз бұғазындағы шектеулерден зардап шегіп отыр.
Ақ үй басшысы АҚШ Иранның әскери әлеуетінің 100 пайызын жойғанын мәлімдеді. Дегенмен Tehran билігі әлі де бір-екі ұшқышсыз ұшу аппаратын ұшыруы, теңізге мина тастауы немесе қысқа қашықтықтағы зымыран жіберуі мүмкін екенін айтты.
Трамптың сөзінше, АҚШ қажет болған жағдайда Иран жағалауындағы нысандарды соққымен жояды және ирандық қайықтар мен кемелерді тоқтатуды жалғастырады. Ол жақын уақытта Ормуз бұғазы қайтадан ашық әрі қауіпсіз теңіз жолына айналатынын мәлімдеді.