Түркістан облысы полиция бопсалау қылмысына қатысы бар 4 күдіктіні ұстады, деп хабарлайды Malim.kz.
Полицияның мәліметінше, күдіктілер – Сайрам ауданының тұрғындары. Олар жергілікті тұрғыннан 1,5 миллион теңге көлемінде ақша бопсалағаны анықталды.
Жедел уәкілдер күдіктілерді тінту барысында жәбірленушіден алынған жеңіл автокөлік, 40-қа жуық оқ-дәрі мен басқа да заттай дәлелдемелерді тәркіледі.
Қазір бопсалау фактісі бойынша сотқа дейінгі тергеу жалғасуда. Күдіктілер қамауға алынды. Барлық мән-жайды анықтауға бағытталған жедел-тергеу іс-шаралары жүргізіліп жатыр.
Фото: polisia.kz