2025 жылғы 10 маусымда Орал қаласында Ұлттық қауіпсіздік комитеті (ҰҚК) кәсіпкерлерден ақша бопсалады деген күдікпен қылмыстық топтың жолын кесті, деп хабарлайды Malim.kz.
Операция барысында 8 қазақстандық азамат ұсталды, олардың екеуі соттың санкциясымен қамауға алынды.
Тергеу мәліметінше, күдіктілердің әрекеті аймақтағы кәсіпкерлік қызметке елеулі кері әсер еткен.
Тінту кезінде ірі көлемде қолма-қол ақша мен өзге де заттай дәлелдемелер тәркіленген.
Қазір бұл факт бойынша Қылмыстық кодекстің 194-бабы (қорқытып алу) бойынша сотқа дейінгі тергеу жүріп жатыр.
Іс материалдарына сәйкес, Қылмыстық-процестік кодекстің 201-бабының 1-тармағына сай, тергеудің мүддесіне байланысты басқа ақпараттар жарияланбайды.
Фото: ҰҚК