Ресми мәлімет бойынша, табиғи апат кезінде 13 адам із-түзсіз жоғалған, деп хабарлайды Malim.kz.
Құтқару топтары Дак Лак, Кхань Хоа және Лам Донг провинцияларында іздестіру жұмыстарын жалғастырып жатыр.
Вьетнамның Құрылыс министрлігі 33 жолаушылар пойызының жұмысы тоқтатылғанын, ал теміржол желісінің бірнеше бөлігінде қозғалыс уақытша шектелгенін мәлімдеді.
Алдын ала есеп бойынша, су тасқынынан келтірілген экономикалық шығын шамамен 9 триллион вьетнам донгын (358 млн АҚШ доллары) құрайды.
Инфрақұрылым, тұрғын үйлер мен ауыл шаруашылығы нысандарына елеулі зиян келген.
Билік табиғи апат салдарын жою жұмыстары жалғасып жатқанын, жоғалғандарды іздеу шаралары күшейтілгенін хабарлады.