Жамбыл облысында орналасқан «НДФЗ» фосфор зауытында жарылыс пен өрт шықты, деп хабарлайды Malim.kz.
Әлеуметтік желілерде тараған видеоларда зауыт аумағынан түтін мен жарылыстың байқалғаны көрінеді.
Облыстық ТЖД мәліметінше, төтенше жағдай бүгін сары фосфор сақталған қоймада болған. Веществоны құю кезінде ол төгіліп, ауадағы оттекпен әрекеттесіп тұтанып кеткен. Өрт дереу сөндіріліп, зардап шеккендер мен тұрғындарға қауіп жоқ екені хабарланды.
Экология департаментінің мамандары ауаның құрамын өлшеп, азот диоксиді мөлшерінің шекті нормадан асып кеткенін анықтады. Қазір зауытта жоспардан тыс тексеріс жүргізілуде, ал оқиғаның нақты себептері анықталып жатыр.