Украина президенті Владимир Зеленский соғыс жағдайында ел армиясын жаңғырту жоспарын жариялады, деп хабарлайды Malim.kz. DW-ге сілтеме жасап.
Ол әскери қызметкерлердің жалақысын едәуір арттыру және жедел келісімшарттық қызметті кеңейту бастамаларын ұсынды.
Жаңа жоспарға сәйкес, тылдағы әскери қызметкерлердің айлығы шамамен 50%-ға өсіп, 400 еуроға дейін жетпек. Ал алдыңғы шептегі жаяу әскерге берілетін қосымша төлемдер үш еседен астамға ұлғаяды. Сонымен қатар, жауынгерлік тапсырмаларды орындауға және жауынгерлік тәжірибені есепке алуға басымдық берілетіні айтылды.
Қаржыландыру көздері нақты көрсетілмегенімен, бұған дейін Еуроодақ Украинаға 90 млрд еуро көлемінде несие бөлгені хабарланған.