Мәскеуде жалпы халықтық митинг қарсаңында жемқорлықпен күрес қорының заңгері Любовь Соболь ұсталды. Бұл жөнінде оның адвокаты Владимир Воронин хабарлады.
«Менттер «ұстау» жоспарын істке қосты және Любовь Собольді «Автозаводская» метро станциясының жанында таксиде отырған жерінен ұстап әкетті», - деп жазды Воронин Tвиттер парақшасында.
Любовь Соболь «Дождь» телеарнасына ұстауға көп полиция қызметкері қатысқанын және өзін қайда әкетіп жата жатқанын білмейтінін айтқан.
Мәскеуден бөлек, Санкт-Петербург, Қорған, Нижний-Новгород және Ростов-на-Дону қалаларында Навальныйдың жақтастары ұсталғаны хабарланды.
Бұған дейін оппозициялық саясаткер Алексей Навальныйдың жақтастары 21 сәуірде Мәскеу мен Ресейдің өзге де қалаларында «Навальныйға бостандық!» атты жалпы халықтық митинг өтетінін хабарлаған. Дәл осы күні ел президенті Владимир Путин Федералдық кеңеске жолдау жасайды деп жоспарлануда.
Алексей Навальный қаңтар айынан бері қамауда отыр. Оны Мәскеудің Симонов аудандық соты 2013 жылы болған «Ив Роше ісі» бойынша кінәлі деп танып, шартты жаза ережелерін орындамады деген желеумен түрме жазасына кескен. Навальныйдың өзі және жақтастары істің саяси астары бар деп есептейді.
Ақпан айында Ресейдің 180 қаласында Алексей Навальныйдың жақтастары митинг өткізген. Наразылық акциясы кезінде полиция 12 мың адамды ұстаған.
Байланысты жаналықтар
MalimBlocks
Мәскеуде «Крокустағы» шабуылдан соң ұсталған шешенстандық полиция бөлімінде көз жұмды
Шешенстан тумасы Асхаб Успанов Мәскеуде «Крокус Сити Холл» концерт залындағы шабуылдан кейін түнде ұсталып, бірнеше сағаттан кейін полиция бөлімінде көз жұмды. Кейбір басылымдар оны түрмеде азаптаған болуы мүмкін деп жазып жатыр, деп жазады Azattyq.
«Ресейдегі теракт»: ІІМ Қазақстанның сауда орталықтары тексерілетінін айтты
Ішкі істер министрінің орынбасары Игорь Лепеха Мәскеу түбіндегі Crocus City Hall концерт залында болған терактіден кейін еліміздегі адам көп жиналатын орындар жоспарлы түрде тексерулерден өтетінін айтты, деп хабарлайды Malim.kz.
