Дерексіз мәліметтер арыз беруге негіз бола алмайды – Байбектің заңгері

Malim Админ

  • 02.06.2021

Әділдікті соттан іздеген «Nur Otan» партиясы төрағасының бірінші орынбасары Бауыржан Байбек пен жеңісті соттан емес, ашық дебаттан тапқысы келетін саясаткер, журналист Жанболат Мамайдың соттағы дауы бір қарағанда тартысты, бір қарағанда түк қызықсыз өтіп жатыр. Мәселен, Бауыржан Байбек сотқа арызданған кезде Жанболат Мамай «Бауыржан Байбек: коррупционная бизнес-империя сына однокласника Назарбаева» атты хабарындағы барлық мәліметтерді көпшіліктің назарына жайып салып, соттың алдында  Б.Байбектің масқарасын шығарамын деген еді. Бірақ, бір емес бірнеше сот отырысы өтсе де, Ж.Мамай Б.Байбекке қатысты дайындап қойған «бомбасын» жармай отыр. Қызықсыз өтіп жатқаны осыдан. Әлде, әліптің соңын күтіп отыр ма?
Ал сот отырысында нақты фактімен ғана айтысқысы келетін Бауыржан Байбектің адвокаты Айжан Тәшенова оппозициялық саясаткер Жанболат Мамайдың, оның жұбайы, журналист Инга Иманбайдың, олардың адвокаттарының «бос сөздерінен» шаршай бастағандай. 
 Дегенмен, қызық болсын деді ме, Ж.Мамай мен И.Иманбаеваға жеңілірек болсын дегендей, олардың «абстрактілі ойларын сотта қарастырмайтынын» Facebook парақшасында жазып өтіпті. 
«Ж.Мамай мен И.Иманбаеваның қалған барлық абстрактілі ойларын біз тіпті қарастырмаймыз да, өйткені оларды сотта қарау заң тұрғысынан мағынасыз, яғни талап-арызға негіз бола алмайды. Атап айтқанда, «Б.Байбек құқық қорғау органдарына, соттарға, Орталық сайлау комиссиясына және т.б. ықпал етеді» деген шындыққа мүлдем жанаспайтын ғажайып мүмкіндіктерге қатысты айтқан сөздерін бар болғаны Ж.Мамай мен И.Иманбаеваның «қияли сандырағы» ғана деп бағалаймыз», - деді Бауыржан Байбектің адвокаты Тәшенова. 
Естеріңізге сала кетейік, Бауыржан Байбек Жанболат Мамайдан хабарында айтқан жалған деректерді, атап айтсақ, «заңсыз шешімдер шығарды», «заңсыз ақша иеленді» деген сөздерін  терістеуді сұрап отыр. Тіпті, ар-намсын таптаған, іскерлік беделіне нұсқан келтірген Ж.Мамайды қылмыстық іспен қудаламайтынын, түрмеге қаматпайтынын, айыппұлға жықпайтынын да айтқан болатын. Тек, айтқан сөзін терістесе болды деген еді. 

«Ж.Мамай мен И.Иманбаева айыптауларының әсіре абсурд екенін атап өтемін! Елестетіп көріңізші, 1 млрд. АҚШ доллары – бұл шамамен 430 млрд. теңге, яғни Павлодар, Солтүстік Қазақстан және Қостанай облыстары сияқты өңірлердің жылдық бюджеті! Жауапкерлердің үшінші тұлғалардың активтері туралы айтқандарына келсек, Б.Байбек 19 сәуірдегі сұхбатында нақты цифрлар мен фактілер келтіре отырып, оларды жария түрде жоққа шығарды», - деп жазды адвокат Тәшенова facebook.com әлеуметтік желісіндегі парақшасына. 
Соттың келесі отырысы алдағы жұма күні өтпек. Айтпақшы, Жанболат Мамай Facebook парақшасында «Байбектің соты тағы да былықты бастады. Ашық сот процесін өткіземіз деп журналистердің бір бөлігін ғана жасырын түрде арнайы залға жинап жатыр. Басқа журналистер қайда? Шетелдік елшіліктер ше? Өздері “карантинге” байланысты сотты онлайн жүргізеді де, журналистерді бір кабинетке жинайды. Сонда соттың өзі заң бұзып отыр деген сөз ғой? 
Олай болса, неге бәрімізді жинап, сотты залда өткізбейді? 
Заңды қорғаймыз деген соттың өзі оны белшеден басып отырғанының дәлелі емес пе?» деген жазба қалдырып, Әуезов аудандық №2 сотының тілшілерге жіберген шақырту хатының көшірмесін де беріпті.
Шақырту алған тілшілер арасында Malim.kz редакциясы да бар. Мұндай хат редакция қоржынына да келген. Тарқатып айтсақ, Б.Байбек пен Ж.Мамай арасындағы сот отырысын ашық жазуға о баста бізде ықыласты болғанбыз. Сол себепті сотқа қатысуға өтініш бергенбіз. Бірақ, сот басталған күні сот әкімшілігіндегі қызметкерлер біздің хатымызға жауап қатпай, қосылатын сілтемелерін бермей, онлайн сотқа қатыса алмай қалғаныз. Одан кейін шағым түсіргенбіз. Енді, міне, сол шағымнан кейін көптен күткен шақыртуды алып отырмыз. Ж.Мамай айтпақшы «бір бөлігін ғана жасырын түрде арнайы залға жинап жатқандарға» біздің тегі, еш қатысымыз жоқ.

Байланысты жаналықтар

ШЫҰ-ға мүше мемлекеттердің өкілдері Астанаға келді

26.04.2024

Дәурен Абаев қызметінен кетті

25.04.2024

Байден Украинаға 61 миллиард долларлық көмек беретін заңға қол қойды

25.04.2024

«Дүрбелең тудырып байбалам салады»: Президент блогерлерге ескерту жасады

25.04.2024

Әлемнің әр түкпірінде түрлі экстремистік күштердің белсенділігі артып келе жатыр – Тоқаев

25.04.2024

Президент мемлекет қаржысы қатаң үнемделетінін айтты

25.04.2024
MalimBlocks
ШЫҰ-ға мүше мемлекеттердің өкілдері Астанаға келді

Іс-шараға Үндістан, Иран, Қытай, Қырғызстан, Пәкістан, Ресей, Тәжікстан және Өзбекстан қорғаныс ведомстволарының басшылары қатысады.

Дәурен Абаев қызметінен кетті

Тәуелсіз Мемлекеттер Достастығы бас хатшысы Сергей Лебедев Атқару комитетінің ұжымына өзінің жаңа орынбасары – Қазақстан Республикасының өкілі Нұрлан Сейтімовті таныстырды.

Байден Украинаға 61 миллиард долларлық көмек беретін заңға қол қойды

Заңға қол қойған АҚШ президентінің сөзінше, Украинаға арналған көмек бірнеше сағатта межелі жеріне жөнелтіле бастайды. Бұл туралы BBC агенттігі хабарлады. 

«Дүрбелең тудырып байбалам салады»: Президент блогерлерге ескерту жасады

Оның салдары халқымыздың абырой-беделіне нұқсан келтіреді.

Әлемнің әр түкпірінде түрлі экстремистік күштердің белсенділігі артып келе жатыр – Тоқаев

Оның айтуынша, біз жаһандық катаклизм белең алып, түрлі мемлекеттер арасында әскери-саяси, сауда-экономикалық текетірес, тіпті мәдени-гуманитарлық тартыс күшейіп бара жатқанына куә болып отырмыз.

Президент мемлекет қаржысы қатаң үнемделетінін айтты

Тасқынның зардабын жою үшін бюджет шығыстары қысқартылатын болды.