Атыраулықтар Жайық жағасын топырақ салынған қаптармен биіктетіп жатыр

Атырауда Жайық өзені тасуы мүмкін деген қауіп бар, деп хабарлайды Malim.kz.

Соған орай, қала халқы, еріктілер Жайық жағасын топырақ салынған қаптармен биіктетіп жатыр. Солардың бір тобы - Атырау ықшам ауданының тұрғындары.

Еріктілердің сөзінше, жұмыс басталған 3 күн ішінде 10 мыңнан астам қапқа топырақ салынған.

Оқи отырыңыз: БҚО-да Жайық өзені 10 метрге дейін көтерілуі мүмкін – әкімдік

Қоғамдық жұмысқа зейнеткерлер де, балалар да атсалысып жүр. Ықшам аудан тұрғындары еріктілерді керекті құрал-сайманмен қамтып, олардың ас-суын да әзірлеп жүр.

Жалпы, қала ішінде Жайық жағасын биіктету жұмыстары өзен бойының барлық аумағында жүріп жатыр.

Фото: Өркен ЖОЯМЕРГЕН