Bombardier CRJ-900 ұшағы Air Canada әуе компаниясына тиесілі, LaGuardia Airport әуежайына қонғаннан кейін өрт сөндіру көлігімен соқтығысқан. Оқиға дүйсенбіге қараған түні, 23 наурыз күні, жергілікті уақыт бойынша шамамен 23:40-та болған.
АҚШ-тың The New York Post газетінің жазуынша, кемінде екі өрт сөндіруші ауыр жарақат алған.
Ұшақ бортында шамамен 100 жолаушы болған. Олардың барлығы эвакуацияланған. Алайда олардың арасында жараланғандар бар-жоғы әзірге белгісіз.
Ұшақтың тұмсығы жұлынып кеткен.
Оқиға орнынан түсірілген суреттерде ұшақтың алдыңғы бөлігі қатты зақымданғаны көрінеді. Соқтығыс қалың жаңбыр салдарынан көріну нашар болған жағдайда ұшу-қону жолағында болған.
Қазіргі уақытта Ла-Гуардия әуежайы жабық, ал келіп жатқан рейстер басқа әуежайларға бағытталуда. Әуежай жергілікті уақыт бойынша тек кешкі сағат 18:00-де қайта ашылуы мүмкін деп хабарлануда.