Уилтшир графтығында Суиндондағы өнеркәсіптік аймақта орналасқан қоймада болған күшті жарылыстан кейін күрделі төтенше жағдай орнында шұғыл қызмет жұмыс істеп жатыр, деп хабарлайды Sky News.
Уилтшир полициясының хабарлауынша, жақын маңдағы аудандардағы адамдар эвакуацияланып жатыр.
Құқық қорғау органдары жергілікті тұрғындарды өз қауіпсіздігі үшін үйде болып, терезелерді жабуға және аумақтан алыс жүруге шақырды.
Өрт сөндіру-құтқару қызметінің мәліметінше, оқиға орнында кемі 10 өрт сөндіру машинасы, оның ішінде баспалдақ және су таситын көліктер сияқты мамандандырылған техника жұмыс істеп жатыр. Өрт сөндірушілер қоймадағы жалынмен күресіп, өртті ауыздықтауға тырысып отыр.
Көптеген жергілікті тұрғын әлеуметтік желіде жарылысты сезінгенін айтты.
Жарылыстың себебін анықтау жұмыстары жүргізіліп жатыр.
Фото: Sky News