Украина президенті Владимир Зеленский АҚШ президенті Дональд Трамппен әңгімелескенін айтты, деп хабарлайды Malim.kz ВВС-ге сілтеме жасап.
"Сумщинадағы біздің бригадалардан қайтып келе жатып, президент Трамппен сөйлестім. Бұл әңгіме президент Трамптың өкілі Стивен Уиткоффтың Мәскеуге сапарынан кейін болды," – деді Украина президенті Владимир Зеленский.
"Біздің серіктестермен ортақ ұстанымымыз айқын: соғыс аяқталуы тиіс. Бұл әділ аяқталу болуы керек. Әңгімеге еуропалық лидерлер де қатысты, әрқайсысының қолдауы үшін алғыс айтамын. Біз Мәскеуде айтылған мәселелерді талқыладық," – деп қосты ол.
Зеленскийдің айтуынша, "Украина міндетті түрде тәуелсіздігін қорғайды. Бізге барлығымызға ұзақ және сенімді бейбітшілік қажет. Ресей өз бастаған соғысын тоқтатуы тиіс. Украинаға қолдау көрсеткендердің бәріне алғыс айтамын," – деп түйіндеді президент.
Бұған дейін Уиткофф пен Владимир Путин арасындағы Мәскеудегі бесінші кездесу өтіп, ол шамамен 3 сағатқа созылған.
Фото: t.me/V_Zelenskiy_official