Malim.kz
Қоғам

Қазақстан әскері жоғары жауынгерлік дайындық деңгейіне ауысады

Арман Қайыпхан
Фото: gov.kz

Қазақстан әскері жақын күндері жоғары жауынгерлік дайындық деңгейіне келтіріледі, деп хабарлайды Malim.kz Қорғаныс министрлігінің баспасөз қызметіне сілтеме жасап.

Ведомствоның мәліметінше, желтоқсанның алғашқы күндерінде қарулы күштердің барлық бөлімдері жаңа оқу жылының басталуына байланысты оқу дабылы бойынша жоғары дайындық деңгейіне көшіріледі.

Одан кейін әскери бөлімдер оқу-жаттығу полигондары мен оқу орталықтарына жоспарлы марштар жасайды. Жекелеген бөлімшелер кешенді жауынгерлік дайындық сабақтары өтетін жерлерге әуе, теміржол және автокөлік арқылы жеткізіледі.

Министрлік аталған кезеңде қауіпсіздікті қамтамасыз ету мақсатында өңірлердегі жолдардың кейбір учаскелерінде уақытша қозғалыс шектеулері енгізілуі мүмкін екенін ескертті.

«Азаматтарды және бұқаралық ақпарат құралдарының өкілдерін тек ресми дереккөздерге сүйенуге, тексерілмеген ақпарат таратпауға шақырамыз», – делінген хабарламада.

Арман Қайыпхан
Автордың басқа материалдары