Журналист Руслан Өтепбай қарындасына арнап әсерлі жазба жариялады, деп хабарлайды Malim.kz.
Ол қарындасы тұрмысқа шыққалы үйдің бір бұрышы бос қалғандай күй кешетінін айтып, сағынышын жеткізген. Бұрынғыдай сыңғырлаған күлкі мен еркелік жетіспейтінін жасырмады.
"Қарындасым тұрмысқа шыққалы үйдің бір бұрышы бос қалғандай… Бұрынғыдай сыңғырлаған күлкі, еркелік жетпей тұрады. Қазір үйде үшеуміз: әкем, анам және мен. Бірақ қыздың орны расында бөлек екен… Бүгін бір әулеттің келіні, бір шаңырақтың анасы болса да, мен үшін сол баяғы кішкентай, ерке қыз болып қала береді. Туған күніңмен, бауырым, қарындасым-қарлығашым… Жарыңмен бақытты бол, шаңырағың шаттыққа толсын!" – деп жазды Руслан Өтепбай.
Осы жазбасында жариялаған видеодан журналистің өзінің қарындасына қымбат әшекей сыйлығын бергенін көруге болады.
Бұған дейін Руслан Өтепбай әлеуметтік желідегі парақшасында қоғамды алаңдатқан Құндыз бен Назгүлдің қазіргі жағдайы туралы қуанышты жаңалықты бөліскен еді. Сондай-ақ ол марқұм композитор Арман Дүйсеновтің жары Айсұлу ханым сот шешімімен өз үйін қайтарып алғанын да алғаш болып жеткізген еді.