Қазақстан Ішкі істер министрлігі ата-аналарды балалардың қауіпсіздігіне ерекше көңіл бөлуге шақырды, деп хабарлайды Malim.kz.
Ведомствоның мәліметінше, жаз мезгілінде жазатайым оқиғалар көбейеді, ал терезеден құлау – балалар арасындағы ең жиі кездесетін жарақаттану себептерінің бірі. Әсіресе, 2-5 жас аралығындағы балалар қауіп-қатерді толық түсінбейтіндіктен, қауіп тобына жатады.
2026 жылдың басынан бері елімізде балалардың терезеден құлауының 169 дерегі тіркелген. Оның 14-і өліммен аяқталған.
ІІМ мұндай оқиғалар көбіне балалардың қараусыз қалуы, терезеге еркін қол жеткізуі және ересектердің қауіпсіздік шараларын елемеуінен болатынын атап өтті.
Осыған байланысты министрлік ата-аналарға балаларды ашық терезесі бар бөлмеде қараусыз қалдырмауға, терезелерге арнайы бекіткіштер мен қорғаныс құрылғыларын орнатуға, маса торына сенбеуге және терезе маңындағы жиһаздарды алып тастауға кеңес берді.