Қазақстан экономикасында өзіндік орны бар үшінші мегаполисте қазір мемлекеттік қолдау арқасында кәсібін кеңейткен кәсіпкерлер жайлы жиі естуге болады. Соның бірі фурнитурамен айналысатын "KAZPLAST" компаниясы. Негізі 2006 жылы қаланған бұл компания қазір түймелерді, фиксаторлар мен карабиндерді өндірумен және сатумен айналысады.
Аталмыш компания алғашында тек әскери және арнайы киімдерге арналған түймелердің бірнеше түрі мен пішіндерін шығарумен айналысқан. Онда да түйме өндірісі ескі әдіс бойынша өндірілген.Соның салдарынан қосымша шығындары көп болған.
Сосын, кәсіпорын басшылары өндірісіне инновациялық технологияларды енгізу туралы шешім қабылдайды. Жаңа даму деңгейіне шығу, тауар алушылар санын арттыру, халықаралық нарықта бәсекеге қабілетті болу мақсатында итальяндық түймелерді өндіретін құрал-жабдықтарды сатып алмақ болады. Ақыры, ойлағанары іске асып, мемлекеттік қолдаумен "Даму" қоры арқылы несие алып, жабдықтарды сатып алып, бағытын кеңейте түседі. Жейде, көйлек, пальто, күртешелер үшін, сондай-ақ арнайы киімдер үшін түйме жасап шығаруға мүмкіндік пайда болады.
Компанияның басшысы екі баланың анасы Дана Жұмабаева бұл жетістікпен тоқтамайды, өз кәсібін үнемі кеңейтіп отырмақ.
"Бүгінгі таңда мемлекеттік бағдарламалар өте көп. Қазіргі уақыт - нағыз сол қолдауды пайдалана отырып, кәсіп ашып, оны дөңгелететін уақыт. Мемлекет тарапынан берілген қолдау маған да батыл шешім қабылдауыма көмектесті", - дейді ол.
Байланысты жаналықтар
MalimBlocks
