Кәсіптік білім беру ағылшын тіліне көшіп жатыр

Malim Админ

  • 05.02.2020

Елдегі техникалық және кәсіптік білім беретін оқу орындардарында 475, 4 мың студент оқиды. Техникалық және кәсіптік білім беру орындарында үш тілде оқуға мүмкіндік бар.

Елдегі техникалық және кәсіптік білім беретін оқу орындарының 57 пайызы мемлекеттік болса, қалғаны жекеменшік. Сонда статистика комитетінің дерегіне қарағанда, елде кәсіптік және техникалық оқу орындарының 427-сі мемлекетке тиесілі. Онда 274,7 мың адам білім алады.

Ал жалпы алғанда, елде 740 кәсіптік және техникалық оқу орны бар. Онда барлығы 475,4 мың адам оқиды. Статистика комитетінің дерегінше, осы оқу орындарына 2019-2020 жылдары түскен студенттердің саны 2018-2019 жылдармен салыстырғанда 3 пайызға азайған. Студенттердің 89,2 пайызы -күндізгі, 10,3 пайызы сырттай бөлімде оқыса, 0,5 пайызы кешкі бөлімге барып қатысады екен.  2019-20-жылы кәсіптік және техникалық оқу орындарына барлығы 153 123 адам қабылданған,

Бұл оқу орындарына түсетіндер көбіне-көп медицина, экономика, білім беру салаларындағы мамандықтар бойынша оқиды. Мәселен, 2019-20-жылдары медицина мен фармацевтика саласына оқуға 24 344 адам қабылданса, қызмет көрсету, экономика және басқаруға 23 768 адам түскен. Білім беру мамандығына 20 154 адам қабылданса, өндіріс, монтаж, эксплуатация, жөндеу мен транспорт эксплуатациясы мамандығын 19 277 адам қалап барған. Жастардың арасында ауыл шаруашылығы мамандықтары да танымал. Ветеринария, ауыл шаруашылығы мен экология мамадықтарына 10 979 адам қабыданған. Бүгінде сұранысы арта түскен IT саласын таңдап барушылар да аз емес. Байланыс, телекоммуникация, ақпараттық технологиялар мен электронды техника мамандығына 14 824 адам түссе, қалған 39 777 адам басқа мамандықтарға кеткен.

Қызығы, кәсіптік және техникалық білім беру орындарында тек қазақ немесе орыс тілдерінде ғана емес, ағылшын тілінде де білім алуға болады. Әлбетте, студенттердің басым бөлігі, 58,9 пайызы қазақ тілінде оқиды. Орыс тілінде оқитындар - 40,8 пайыз. Қалған 0,2 пайыз студент ағылшын бөлімінде оқиды.

Былтырғы оқу жылында техникалық және кәсіптік оқу орындарын 144,3 мың түлек бітірді. Ал енді кәсіптік және техникалық оқу орындарының түлектері қайда кетеді, олар үшін қандай жолдар ашық деген сұрақ қылтиятыны түсінікті. Міне, статистикаға қарағанда, осы оқу орындарын бітіргендер жолда қалып жатқан жоқ, 61,4 пайызы, яғни 88, 6 мың адам жұмыс тауып кетсе, 17 300-і немесе 12 пайызы колледж және жоғарғы оқу орындарына түскен.

Статистика комитетінің дерегінше, техникалық және кәсіптік білім беру орындарында 36,9 мың мұғалім және өндіріс саласын оқытатын 5,8 мың маман жұмыс істейді.

Фото: buki.kz

 

Байланысты жаналықтар

"Болашақ" бағдарламасына өзгерістер енгізіледі

06.02.2020

Екі тау курортында бір абонементпен шарықта

02.09.2021

Қазақстанда пневмония өршіп барады

13.12.2020

Біртановпен айқасқан дәрігер: 200 мың адамдық митингіге рұқсат сұрадым

10.09.2020

Қисайған үйге келгенде Сағынтаев Құдайдан қорқады

19.02.2020

Түркияда өзбек сериалын түсірген қазақ

23.04.2021
MalimBlocks
"Болашақ" бағдарламасына өзгерістер енгізіледі

Екі тау курортында бір абонементпен шарықта

Шымбұлақ пен Oi-Qaragai тау курорттары біріңғай маусымдық абонементті шығарады. Осы абонемент алматылықтар мен қала қонақтарына екі курорттағы қызметтерін тамашалауға мүмкіндік береді.

Қазақстанда пневмония өршіп барады

Біртановпен айқасқан дәрігер: 200 мың адамдық митингіге рұқсат сұрадым

Қисайған үйге келгенде Сағынтаев Құдайдан қорқады

Түркияда өзбек сериалын түсірген қазақ